Gadan an sarong 56-anyos na lalaki makalihis na mahulog an pigmamaneho niyang pickup sa tulay sa banwaan nin Mangaldan, Pangasinan.
Segun sa report, sarong crane an ginamit sa pag-alsa kan vehiculo na nahulog hale sa salog asin naglubog sa tubig kan Martes.
Nagtarabangan an mga rescuers asin mga residente nganing iligtas an biktima, alagad gadan na ini kan iluwas sa behikulo.
Segun sa imbestigasyon, antes pa man an insidente, nahiling sa CCTV footage an sarong pickup na nag-overtake sa sarong pedicab sa mahiwas na parte kan tulay.
Huli digdi, nagsakat an pickup sa gilid kan tulay asin dagos nang nahulog asin buminaliktad sa salog.
Nagluluwas sa report kan pulis na limang metro sana an laba kan nasabing tulay.
Pigtutubudan na posibleng tinamaan an payo kan biktima kan mahulog an lunadan, rason kun pano ini nawaran nin malay asin dae na nakahiro makalihis an aksidente.
Sa ngonian, nakaburol na an hawak kan biktima.
