LEGAZPI CITY – Pasado alas-10 kasubagong aga, ibinalik na sa Senado si dating Bulacan assistant district engineer Brice Hernandez makalihis an pagdangog ngonian na aldaw sa Pasay Regional Trial Court Branch 112 katakod kan saiyang isinunad na Writ of Amparo petition.
Nagsa-irarom si Hernandez nin medical examinination makalihis maibalik sa Senate detention facility.
Sa surat na isinunad kan saiyang mga abogado kay Senate President Vicente “Tito” Sotto III, hinagad an pagtanggap liwat kay Hernandez sa Senate Detention Facility.
Ipighayag kan kampo ni Hernandez an tiwala na parehong magsisirbing huwaran nin disiplina asin patas na pagtrato sinda Sotto asin Senate Blue Ribbon Committee Chairman Ping Lacson.
Ang pagtenir suboot ni Hernandez an patunay na an institusyon an dae naglilikay sa katotohanan asin dae man kaini pigtatalikudan an tawong nagsusugal kan saindang kaligtasan nganing ilantad an mga ini.
Piglalaomang mahampang si Hernandez sa masunod na pagdangog kan Blue Ribbon Committee.
Pinagbigyan ni Sotto an kahagadan, asin minidbid man ini kan Korte.
