LEGAZPI CITY-Arestado an sarong lalaki huli sa kasong rape asin an nakalista bilang Provincial Most Wanted sa Baleno Masbate.
Segun kay Baleno Municipal Police Station Police Major Mark Samuel Romanillos, sa intrevista kan Bombo Radyo Legazpi, na binisto an suspek na si alyas “Bañan”, 53-anyos, sarong paraooma, may liive-in partner, asin resiente kan nasabing lugar.
Naarestar an suspek sa bisa kan ipinaluwas na warrant of arrest kun sain nahahampang ini sa kasong 2 counts of rape o duwang bes na pagsagibo kan krimen kun sain warang pigtataong piyansa.
Basado sa impormasyon kan otoridad, na menor de edad an biktima kan suspek.
Ikinabigla man suboot kan suspek an saiyang pagkaka-arestar mantang dumanon ini kan mga kooperatiba sa saiyang harong.
Naarestar man suboot ini katuwang an impormasyon hale sa mga residente kan nasabing lugar, kun sain tulos na dinakop kan mga otoridad.
Wara man suboot nin ibang kaso an suspek asin sa presente nasa kustodiya na ini kan Baleno Municipal Police Station.
Dagdag pa ni Romanillos na dakulang tabang an pagkakadakop kan suspek huli sa igwang direktiba an saindang headqaurters na i-follow up an may mga kaso nin rape asin an mga igwang warrant of arrest sa saindang lugar.
Dakulang tabang man an impormasyon hale sa mga residente asin mga kapitan kun sain iaasigurar man suboot ninda an kaligtasan kan mga impormasyon o detalyes kan mga ini.
Mientrastanto, padagos man an direktiba asin kooperasyon kan kapulisan sa pagsugpo sa kriminalidad sa saindang banwaan.
