Hinagad kan kampo ni dating Presidente Rodrigo Duterte kay Presidente Ferdinand Marcos na tugutan ining makabalik sa Pilipinas kapag naaprubaran an interim release ninda sa International Criminal Court (ICC).
Segun kay Atty. Nicholas Kaufman, na padagos an pagluya kan salud kan dating presidente na naapektaran an abilidad kaini para mas lalong masabutan an mga ebidensiya.
Dagdag pa ni Kaufman na tugutan kan presenteng administrasyon an pagbabalik sa nacion kan dating presidente para sa patas na pagdangog sagkod sa pagtatapos kan proceedings.
Magigirumduman na an 80-anyos na dating presidente yaon na sa kustodiya kan ICC poon pa kan Marso asin kan Agosto naghagad sinda nin interim release hale sa dae pinangaranan na nasyon.
Kan Setyembre 8, ianunsiyo kan international tribunal na an confirmation of charges hearing sa war against humanity kan dating presidente ipinag-octaba huli sa pagluya kan dating presidente para sa trial.
Pigklaro ni Kaufman na an pahayag na bako maray an kamugtakan kan dating presidente an suportado kan mga medical experts, kabale na an mga dae napili kan mga depensa.
.){kind=link}