Nagbaba sa saiyang puwesto si Nepali Prime Minister KP Sharma Oli huli sa mahiwasang hiro protesta.
An nasabing pagbaba niya an kasunod kan dae mababa sa 20 katawo na an nagadan huli sa kilos protesta.
Guminamit an mga kapulisan nin live ammunition, water cannons asin tear gas laban sa mga protesters.
An mga nagpoprotesta nag-apon man nin mga gapo asin rinaot an nagkapirang parte kan opisina kan nagbaba na Prime Minister Oli .
Ikinadagit kan mga protesters an ipina-otob kan gobyerno nin pagbabawal nin paggamit kan social media siring man an mga mahiwasang kurapsyon.
Magkakasunod an pagbaba kan pirang mga cabinet ministers.
Nangapodan na si Nepal President Ramchandra Paudel sa mga protesters na magkaigwa nin matuninong na pag-oolay.
