Alfredo Garbin
Alfredo Garbin

LEGAZPI CITY-Pigsusuportahan kan Assistant Majority Leader of the Commission on Appointments an ipigsagibong aksiyon ni Representative Leandro Antonio Leviste kung sain sinangatan kaini nin reklamo an nagsuhol na sarong district engineer.


Segun kay Assistant Majority Leader of the Commission on Appointments Atty. Alfredo Garbin, sa intrevista kan Bombo Radyo Legazpi, na tama an ginibo ni Levistre na pigtutulan niya an katiwalian asin siya mismo an nagreklamo sa engineer huli sa pangsusuhol kaini asin sa pagtatago kan saiyang mga nagibong sala.


Tinawan doon man niya na an “public office is a public trust” asin dapat na igwang paninimbagan sa namamanwaan.


Dugang pa niya na an isinagibong aksiyon kan alkalde an dapat sana para sa sarong pampublikong opisyal.


Sinabi pa niya na boot sabihon kaini na nagluluwasan na an gabos na igwang kusog ki boot na itakwil asin labanan an kurapsiyon sa mga tanggapan.


Dapat man suboot na ikadagit asin dai na mautro an siring kaini, kung sain enot nang nangyari an kaparehong isyu kan entrapment kan sarong quarry opetaion sa provincia huli sa talamak na panunuhol.


Dagdag pa kan opisyal na an mga district engineer an nagpipirma asin imbuelto mismo sa proseso kairiba an saindang committee, kun kaya sinda an alanganin asin responsable sa mga imfrastructure projects na pigbaba sa saindang mga distrito.


Enkaso man suboot na igwa sindang mga dokumento na magpapahiling na imbuelto an sarong politiko an pwedisir na makasuhan korte kun igwang bastanteng mga impormasyon.


Mientrastanto, nagpapasalamat man si Garbin sa pagtubod na itinao sa saiya bilang majority leader kan comission on appointments asin dakulang responsibilidad ini ngani magapampanan niya an posisyon na igwang integridad asin masierto na kwalipikado an mga itatalaga asin nag-aaply na mga opisyal.