LEGAZPI CITY – Kinumpirmar kan Philippine Institute of Volcanology and Seismology (PHIVOLCS) na lahar flow an nangyaring pagbabaha sa Barangay Masarawag, Guinobatan, Albay kan nakaaging aldaw.
Segun ki PHIVOLCS Volcano Monitoring and Eruption Prediction Division Chief Mariton Bornas sa intrevista kan Bombo Radyo Legazpi na basado kaya sa datos kan saindang weather stations an uminabot sa labi sa 85 millimeters nin rainfall sa laog sana nin anom na oras sa nasabing banwaan kun kaya nakapag generate ini nin lahar na nagragasa man sa nasabing barangay.
Alagad narisa niya na kompara sa mga naenot na lahar flow kan nakaaging semana an nagkaigwa ini nin panibagong inagihan harani sa Barangay Maninila, Camalig, Albay kun kaya padagos pa ninda ining pigbeberipika.
Ini man suboot an rason kun kaya sarong direksyon sana an pigbubulusan kan mga lahar asin pwedesir man na may nawasak na mga old deposit sa watershed kan Bulkang Mayon.
Paliwanag pa kan opisyal na natambakan kaya an lahar path sa sarong side kan Maipon makalihis an pangrarapado kan bagyong reming asin ngonian an nagshift na an bulos kan lahar makalihis na barado na an original na pig-aagihan kan lahar.
Basado man sa findings kan saindang mga geologist an talagang malipat an pigbubulusan kan lahar sa pinakadakulang depositional point kan Masarawag alagad pigkokompirmar pa ninda ini kun sain an bagong pathway nganing pag-adalan asin aramon an parametro na kasabay kaini.
An mga namamateang lahar flow suboot an hale sa mga darakulang deposito kan pyroclastic flow o uson asin madali maanod kan tubig uron na nagtataong huma sa mga residente na maaagihan kaini.
Sa ibong kaini an pigtaram ni Bornas na importante an mga siring kaining antecedent rainfall huli ta kun haloy nang nag-uuran an pwedesir kaining mapababa an tyansa na maanod nin bultuhan an mga lahar enkaso man rapaduhon an provincia ki makusog na bagyo na mas delikado sa buhay kan mga residente.
