Nag-apela an Parish Pastoral Council for Responsible Voting (PPCRV) na ini na an huring pagkakataon na i-ooctaba an Barangay asin Sangguniang Kabataan Elections (BSKE), makalihis ining ilipat gikan sa Disyembre 2025 pasiring sa Nobyembre 2026.
Segun ki PPCRV chairperson Evelyn Singson, importante an regular na pagsagibo nin eleksyon nganing mamantenir an paninimbagan kan mga opisyal asin tiwala kan namamanwaan.
Tinawan-duon niya na an pauro-utro na pagpapa-octaba an nakakaraot sa demokrasya.
Magigiromdomang pinirmahan ni PBBM an Republic Act No. 12232 na nagtakda kan bagong petsa kan Barangay asin Sangguniang Kabataan Elections.
Kasabay an pagsagibo nin Barangay asin Sangguniang Kabataan Elections kada apat na taon.
Afuera digdi tinanggap kan PPCRV an rason kan pagpapa-octaba nganing tawan dalan an paghahanda sa kaenot-enoting Parliamentary Elections sa Bangsamoro Autonomous Region in Muslim Mindanao (BARMM) sa Oktubre 2025, alagad pigdoon ni Singson na bako ini dapat magin rason nganing pirmeng i-octaba an barangay elections.
