LEGAZPI CITY—Nagpapadagos an konstruksyon kan drainage system sa Purok 3, Sitio Laom, Barangay Padang Legazpi City sa ibong na natapos na suboot ini kan nakaaging taon.
Magigiromdomang saro ini sa mga listahan kan flood control projects sa website kan Sumbong sa Pangulo na may pigtagamang kantidad na labi P96.4 milyon asin may completion date na Setyembre 22, 2024.
Nakabugtak man sa report na an contractor kan proyekto an Infra Builders And Sellers Philippines.
Segun sa mga nagkapirang residente na nagsayuma nang sabihon an ngaran sa intrevista kan Bombo Radyo Legazpi, manlaen-laen suboot an contractor kan nasambitang proyekto.
Afuera digdi, basado man sa mga laborer na nagtatrabaho sa proyekto na igwa pang mga grupo an nagtatrabaho suboot sa pagkonstruir kaini.
Mientrastanto, sa iniluwas na report ni Presidente Ferdinand Marcos Jr. an provincia kan Albay an ika-6 sa 20 provincia na may pinakadakol na flood control projects kun saen nag-aabot ini sa 273 proyekto.
