Tulo an gadan mantang kritikal an kamugtakan kan duwa makalihis na aradohon kan sarong private van an duwang harong sa gilid kan highway sa Barangay Abuyon, San Narciso, Quezon.
Basado sa imbestigasyon kan mga pulis, nangyari an insidente poco mas o menos alas 4:00 nin hapon mantang pauli na an mga biktima hale sa banwaan nin San Narciso.
Huli sa kusog kan pagkabangga, haros marumpag na an van asin an duwang harong na nabanggaan kaini.
Binisto an mga biktima na sinda Efren Belagosa, 45 anyos; Florencio Lumanglas, 62 anyos; asin Merelyn Lumanglas, 57 anyos.
Tulos man na idinalagan sa ospital an duwang nairido.
Sa video, an mga biktima itinapok paluwas sa lunadan makalihis an pagbangga, an iba sainda gadan na.
Maswerte man na wara nin nalugadan na nag-iistar sa duwang harong.
Padagos pa an imbestigasyon kan mga pulis kun driver error an kawsa kan aksidente o problema sa lunadan.
