LEGAZPI CITY – Nanindugan si FEU Political Science Professor Francisco Riodique na bako dapat mga pulitiko an ma-imbestiga sa mga katiwalian sa flood control projects kan Gobierno.
Segun saiya sa intrevista kan Bombo Radyo Legazpi na dapat igwa nin third party private body na magsasagibo nin imbestigasyon nganing dae magkaigwa nin conflict of interest.
Kompwesto dapat suboot an grupo nin mga imbestigador na pigbabalehan kan simbahan, civil society group, asin media nganing magin unbiassed an gabos na resultang maluwas mapadapit digdi.
Pagdoon niya na kun kongreso an maibestigar sa mga nangyaring katiwalian sa nasabing programa an pwedesir ining magamit political grant standing o ma-politicize mantang dae man pwedesir na ika an pig-aakusaran asin ika pa an imbestigador.
Pigtaram pa kan professor na dae man maayos an problema sa pagbabaha kun puro man sana flood control projects an piggigibong paagi kan gobierno asin Department of Public Works and Higways.
Kaipuhan suboot iyo an kun papano ma-utilize an mga tubig arug kan paggibo nin mas dakol na dam, asin hydro-electric powerplants.
Pwedesir magin “make it or break it” sa Presidente an pag-imbestiga sa mga katiwalian sa mga floos control projects huli ta siya an nagbuyagyag kaini sa saiyang State of the Nation Address asin kun enkaso dae ini maresolba, baka an saiyang pambato sa 2028 elections an dae managgagana.
Sa hiling man ni Riodique na warang magiging balakid sa proseso kan imbestigasyon kun tama man an pagkokondusir kan mga pigtutubudang katiwalian sa flood control projetcs kan gobierno.
