Dinakop an mag-agom na parehong suspetsado sa panggagadan kan saindang pitong taon na aking babae na nakuwang naglalataw-lataw sa Dagupan City, Pangasinan.
Binisto an biktima na si Princess, sarong Grade 2 pupil sa Brgy. Bantog, Dayo, Pangasinan.
Segun sa mga awtoridad, mismong mga testigo an nagsabi na nahiling ninda an pagkidnap kan mga suspechado sa aki sa atubangan kan saindang harong.
Huba an bangkay kan biktima na narekober sa kadagatan kan Brgy. Bonuan Gueset, Dagupan City.
An victima iyo an aki kan suspechado asin enot kaining live-in partner.
Mientrastanto, an babaeng suspechado iyo na ngonian an legal na agom kan lalaki.
Nagluluwas sa imbestigasyon na pagbalos an motibo kan krimen.
Padagos pa an imbestigasyon kan mga otoridad.
