Ipigbuyagyag ni Senador Panfilo Lacson an pagbabaranga kan ganansya o kickback sa mga maanomalyang proyekto sa irarom kan Department of Public Works and Highways (DPWH).
Sa saiyang privilege speech, ibinugyagyag kan opisyal na walo sagkod 10 porsiyento nin kantidad nin proyekto an napapaduman sa mga opisyal kan DPWH.
Segun sa pa sa senador, may extra na 2-3 porsiyento an napapaduman sa District Engineering Office kun may masobra man sa Contractor’s Profit.
Afuera digdi, ipigbuyagyag man ni Lacson na igwa pang pig-aapod na “passing through o parking fee” na maabot sa katumpad na 5-6% nin pondo.
Mantang 20 sagkod 25 porsiyento man an kalimitang napapaduman sa funder o project proponent kan politiko.
