Sarong rider an nagsapo nin grabeng lugad asin naputol pa an saiyang bitis makalihis na ma-imbwelto sa sarong malagim na aksidente sa Sitio Paghidaet, Barangay San Vicente, Banga, South Cotabato.
Segun sa report kan Banga Police, enot na nag-overtake an motorsiklo na piglulunadan kan biktima sa kasabat na truck, rason na mawaran ini nin kontrol.
Huli kaini, nabunggo siya kan saro pang motorsiklo, na nagin rason kan pagkaputol kan saiyang bitis.
Marikas na nagresponde an mga otoridad asin tulos idinalagan an biktima sa ospital para sa tulos na pagbulong.
Padagos pa an imbestigasyon kan Banga PNP sa insidente.
