LEGAZPI CITY-Positibong nagreposnde an nagkapirang opisyal sa agyat kan Teachers’ Dignity Coalition na ipa-enroll an mga aki kan mga government official sa mga pampublikong eskwelahan.
Segun kay Teachers Dignity Coalition Chairperson Benjo Basas, intrevista kan Bombo Radyo Legazpi, na obheto kan agyat na ini na ipahiling sa mga public officer, kairiba na an mga barangay kagawad, senador, legislators, congressman, municipal mayors, o magin an mismong presidente, kung nagtutubod sinda sa sistema kan edukasyon sa nacion.
Dagdag pa ni Basas na enkaso ma-enroll an mga aki kan mga opisyal kan gobierno, maski sinda an obligado man na mag-atendir kan mga PTA meeting ngani mahiling ninda an mismong kondisyon kan mga pampublikong eskwelahan sa nacion.
Pigtawan doon man kan opisyal na bako ibig sabihon na i-sakripisyo an mga aki ninda alagad mawot sana an pagkakaigwa nin equality asin fairness asin mahiling mismo kan mga opisyal kan gobierno na igwang mga problema an sektor kan edukasyon.
Sinabi man niya na magayon na lakdang ini para sa mga nasasanay sa karangyaan, huli sa kwestyunable an saindang pagigin mailap digdi kung sain mahihiling man suboot an kapabayaan orog na bibihira man sana magbisita an mga opisyal kan gobierno sa mga pampublikong eskwelahan.
Dugang pa niya na makikinabang man digdi an mga aki kan opisyal enkaso mawot na maglaog sa politiko ngani magkaigwa nin kasanayan ngani makipagsabayan sa masa.
Kun magigin posible suboot ini, dapat man na tratuhon an estudyante siring kan pagtrato sa iba.
Enkaso man na ma-legislate, magkakaigwa pa nin mga detalyes mapadapit sa kung pirang taon asin kung hasta anong year sana dapat ma-enroll asin tulos man ining maapresyar.
Ipighayag man ni Basas na pinaka-obheto kan propwestong ini na mahiling an pagtubod kan mga opisyal kan gobierno sa education system asin magkaigwa nin mga pondo an mga public school system sa nacion.
