Pinasalamatan ni Ukrainian President Volodymyr Zelensky si US President Donald Trump huli sa pagtabang kaini nganing dagos nang matapos an giyera ninda kan Russia.
Sa ginibong pagbisita ni Zelensky sa White House, nagin mas magaan na ini kumpara sa enot na paghihilingan kan anom na bulan nang nakaagi.
Ipig-abot ni Zelensky an surat gikan sa saiyang agom para ki US First Lady Melania Trump.
Inarog sana kaini an ginibong pagsurat ni US First Lady Melania Trump ki Russian President Vladimir Putin kan naghilingan sinda ni Trump sa Alaska kun saen nakabugtak na dapat protehiran ninda an mga inosente.
Sa nasabing miting sinabi ni Trump na igwang dakulang tsansa na magmiting sindang tulo ni Putin para sa pagtatapos na kan giyera.
Pigsierto man ni Trump na matatapos an giyera kun talaga hihingowahon ini kan duwang lado.
Nagtao man nin kasiertohan si Trump na bilog man giraray an suporta kaini sa Ukraine.
Matapos an miting kan duwa an masagibo man nin miting si Trump sa mga European Leaders na kaiba ni Zelensky para sa pagplano nin dagos na pagtapos kan gyera.
