Nag-hahanda na an legal team ni dating Presidente Rodrigo Duterte para sa maabot na confirmation of charges hearing sa International Criminal Court (ICC) sa The Hague, Netherlands, na gigibuhon sa Setyembre 23.
Ini an pigkumpirmar ni Bise Presidente Sara Duterte sa saiyang speech sa sarong pagtiripon kan mga Filipino community sa Kuwait.
Apwera kaini, pigbuyagyag man ni VP Sara na igwa pang pigpreparar na dokumento an defense team, alagad dae pa ninda naipresentar huli ta dae pa ini nasusumite sa korte.
Sinambit man kan Bise Presidente an mga nakaaging lakdang kan defense team, arog kan pagkwestyon sa hurisdiksyon kan ICC asin an kahagadan para sa temporaryong libertad kan dating presidente.
Nakatalaan liwat na mag-hampang an dating Presidente sa ICC Pre-Trial Chamber I sa masunod na bulan para sa kumpirmasyon kan mga akusasyon katakod kan crimes against humanity case sa suboot paggadan sa irarom kan war on drugs.
 in The Hague, Netherlands, to be held on September 23.){kind=link}