LEGAZPI CITY – Amay na pigdeploy kan Tiwi Municipal Police Station an saindang mga personahes nganing magbantay sa isinagibong maritme procession katakod kan feast of Our Lady of Salvation 2025.
Segun ki Chief of Police Police Major Christian Brual sa intrevista kan Bombo Radyo Legazpi na may mga pulis na nagsakay sa mga barkong nakibale sa nasabing prusisyon asin pigpostehan an mga barangay na aagihan kan aktibidad nganing masyerto an pazy orden sa lugar.
Afuera suboot sa mga kapulisan an presente man sa enterong durasyon kan aktibidad an mga personahes kan Philippine Army asin Coast Guard nganing magdugang nin seguridad sa enterong kafiestahan ni Mahal na Ina.
Maugma niya man na ipigbareta na warang nairehistrong dae piglalaoman na insidente sa isinagibong aktibidad kun kaya nagpapasaalamat sinda sa publiko huli sa pagsunod sa mga polisiyang ipigpa-otob kan lokal na gobierno asin organizers.
Pigtaram pa kan opisyal na napansin niya man an pagdakol kan mga debotong hale sa manlain-laing parte kan nacion nganing makisumaro asin ipahiling an pananampalataya sa naunambitang religous activity.
Nagkondusir man sinda nin serye kan coordination meeting antes an aldaw kan aktibidad nganing ilatag an magigin sistema mapadapit sa permihang problema kan traffic na kawsa man kan mga naka-illegal parking.
Nagpapasalamat man siya sa mga opisyales kan Barangay Joroan nganing magtaong asistensya sa mga byahero kun sain sinda ma-park kan saindang mga behikulo para sa pagbabawas nin trapiko sa lugar.
Pagirumdom kaini sa mga ma-pasyar sa banwaan kan Tiwi na yaon pirmi an kapulisan nganing masyerto an pazy orden, may aktibidad man o wara.
