LEGAZPI CITY – Matrayumpong naisagibo kan Department of Science and Technology an 2025 Regional Science, Technology, and Innovation Week sa rehiyon Bicol.
Segun ki DOST Bicol Regional Director Rommel Serrano sa intrevista kan Bombo Radyo Legazpi na nagin magayon an durasyon kan enterong aktibidad huli ta kadakol na mga estudyante, mga Micro, Small, and Medium Enterprises (MSME), researchers, stakeholders asin iba pa.
Nahiling man kan mga bisita an mga abilable na mga application asin technology innovation na makakatabang sa mga isyung pigkakahampang ninda.
Nagin espesyal man suboot sa aktibidad an pagbisita ni DOST Secretary Renato Solidum Jr. asin pinasinayaan an inagurasyon kan saindang Innovation Hubs (iHubs).
Pigtaram pa kan opisyal na pigwalat saiyang kasuguan kan nasabing kalihim iyo an pag-promote kan mga innovation na pigshowcase sa enterong durasyon kan aktibidad urog na an mga grassroot technology.
Magsisisrbi man dapat suboot an Innovation Hubs bilang tulay nganing magkaigwa nin mas marikas na availment asin tulos na mapakinabangan kan mga komunidad an manlain-laing teknolohiya na pig-ofresir kan mga technopreneurs sa nasabing aktibidad.
Mawot man kan kalihim na gamiton kan mga innovators sa enterong rehiyon an ipinatugdok na 6 na iHubs sa para sa mentorship, co-working spaces, asin access sa mga networks na makakatabang man sa pagtransform kan mga ideya sa totoong buhay.
Pighayag man ni Serrano na piglansar ninda an pinaka-enot sa nacion na Mobile Laboratory kan ahensya na pig-aapod na “Lab Move” na may obhetong makapaghatod nin direktang water potability testing urog na sa mga hararayong komunidad sa rehiyon.
