Nanggana an “Eraserheads: Combo on the Run” sa 2025 Ierapetra International Documentary and Film Festival.
Nakua kan nasabing documentary film an titulong International Feature Documentary award na ginibo sa Crete, Greece.
Personal na tinanggap kan direktor kan pelikula na si Maria Diane Ventura an nasabing award.
Dinaog kaini an 38 ibang mga kalahok na gikan sa mga nacion na Italy, Hungary, Spain, US asin Portugal.
An nasabing documentary film an enot na gibong Pinoy na pelikula na naipalabas sa San Diego Comic-Con.
Nagdidiskotir ini sa mga nagin trayumpo kan famuso na banda kan dekada 90 na Eraserheads na pigbibilog ninda Ely Buendia, Raymund Marasigan, Buddy Zabala asin Marcus Adoro.
Nagkapira sa mga kantang pinasikat kan banda an “Pare Ko”, “Alapaap”, “Ang Huling El Bimbo”, “Magasin” asin iba pa.
