LEGAZPI CITY—Padagos na makakaapektar an southwest monsoon o habagat sa parte kan rehiyong Bicol, susog sa state weather bureau.
Segun ki Weather Specialist Christian Alen Torevillas, sa intrevista kan Bombo Radyo Legazpi, huli kan habagat laoman na makakaeksperyensya nin mapanganuron na kalangitan na may kalat-kalat na pag-uuran, pagkikilat asin pagdagoldol sa masunod na tulong aldaw sa Bicol.
Basado man sa latest tropical cyclone threat potential forecast, igwa pa suboot na mabibilog na raot nin panahon, alagad hibaba an posibilidad kaini na magin sarong bagyo.
Dugang pa kan opisyal na tuyong mga bulan nin Hulyo, Agosto, asin Setyembre nakakaeksperyensya nin habagat na nagreresulta sa thunderstorms na minsan nagkakawsa nin pagbabaha asin pagrasay kan daga sa nagkapirang lugar kan nacion.
Mensahe man kan opisyal sa publiko na padagos na mag-antabay sa mga pigpapaluwas na abiso kan state weather bureau para sa kamugtakan kan panahon.
