LEGAZPI CITY-Gadan an sarong retiradong empleyado kan gobyerno mantang irido man an saiyang agom makalihis sindang badilon mantang nasa laog nin behikulo kan duwang dae pa nabibistong suspetsado, poco mas o menos alas 7:25 nin aga ngonian na Miyerkules, Agosto 13, sa Barangay Zone 2, Koronadal City.
Binisto an nagadan na si Engr. Si Kesse Junsan, 64 anyos, sarong retiradong empleyado kan gobyerno, mantang an saiyang agom na si Maria Lourdes Miguel Junsan, 60 anyos, nagsapo nin mga lugad.
Parehong residente kan Purok Everlasting, Dona Soledad, Barangay Zone 2, ciudad nin Koronadal an duwang biktima
Basado sa inisyal na imbestigasyon kan mga otoridad, lunad suboot kan Bajaj na motorsiklo an duwang suspek kan magdulok asin paputukan an mag-agom.
Marikas na nagdurulag an mga suspek makalihis an pambabadil sa dae pa maaraman na direksyon.
Sa intrevista kan Bombo Radyo Koronadal ki Dindo Fernandez, saro sa mga residente kan lugar, sinaysay kaini na marikas an nangyari sa insidente kaya haros dae na mabisto an mga suspek huli ta parehong nakasulot nin helmet an mga ini.
Padagos man an imbestigasyon kan mga kapulisan para maaraman kun sisay an mga suspek asin an motibo kan krimen.
Mientrastanto, pig-aaram pa kun igwa nin CCTV footage sa lugar na pwedisir makatabang sa pagbisto kan mga suspek.
