Ipigheras ni Presidente Ferdinand Marcos Jr. an nagkapirang mga nadiskubre sa ginibong imbestigasyon manungod sa mga kontrobersyal na flood control projects.
Ipigbuyagyag ni Presidente Marcos na 20% kan total na P545.64 bilyon pesos na flood control projects an napaduman sa 15 contractors.
Lima digdi, igwa nin mga proyekto sa haros gabos na rehiyon sa nasyon.
Idinagdag pa kan Presidente na sa 6, 021 na flood projects, wara nin specifications asin nadiskubre na pareho an kantidad.
Sinabi kan Presidente na imposibleng magkapareho an mga nasabing proyekto.
Pigbuyagyag kan Presidente an mga rehiyon na may pinakadakol na proyekto asin highest spending, nangengenot sa mga ini iyo an National Capital Region na may 1,058 projects na nagkakantidad nin P52.57 billion; Region 3; Region V na may 866 projects na nagkakantidad nin P49.61 billion.
Huli kaini, pigtuyaw kan presidente an dae magkakapareho na flood control projects sa mga probinsya na pirming pigbabaha.
Base sa lista, an Bulacan, Cebu, Isabela, Pangasinan, asin Pampanga an may pinakadakol na flood control projects, na magka-iba sa listahan kan top 10 flood prone provinces, na iyo an Pampanga, Nueva Ecija, Pangasinan, Tarlac, Bulacan, asin Metro Manila.
Segun ki Marcos, makahandal an resulta kan imbestigasyon, alagad padagos nindang pag-aadalan an findings nganing maaraman kun sisay an dapat na panimbagon.
