LEGAZPI CITY-Pigpaplanuhan kan nagkapirang transport group na maghirit nin P1.00 na provisional fare increase huli sa paghalangkaw sa presyo kan mga produktong langis.
Sinabi ni Pasang Masda President Obet Martin, na sa mga masunod na aldaw, isasangat ninda an petisyon sa Land Transportation Franchising and Regulatory Board (LTFRB).
Katakod suboot ini kan ipigsangat na petisyon kan Hunyo na piglalaoman ninda huli man sa kada semanang paghalangkaw sa presyo kan langis.
Magigirumduman na binawi an petisyon kan Hunyo makalihis na magkaigwa nin ceasefire sa pagultangan kan Israel asin Iran.
