Gare eksena hale sa sarong pelikula an tuminambad sa publiko makalihis na an sarong video nin sarong lalaki na tinamaan bako sana sarong beses kundi duwang beses sa gilid kan National Highway sa Kidapawan City an nag-viral.
Binisto an biktima na si Froilan Panagaan, na enot na nabunggo kan lunadan asin tulos na narespondehan kan Kidapawan Rescue 911.
Alagad mantang pigbabalyo sa stretcher, biglang nagbutwa an nagdadalagan na motorsiklo asin nabunggo giraray si Panagaan sa mismong atubangan kan mga rescuers.
Mahihiling asin madadangog sa video an kurahaw kan mga nakaheling kan kagimbal-gimbal na eksena.
Apwera ki Panagaan, irido man an saro sa mga staff kan Rescue 911 na nabangga kan motorsiklo.
Sa inisyal na imbestigasyon kan mga otoridad, pigtutubudang nakainom an driver kan motorsiklo na tulos ining inarestar kan mga otoridad.
Padagos an imbestigasyon kan Kidapawan City Police Office dapit sa insidente.
