Gadan an sarong staff kan parlor makalihis pagbabadilon kan sarong lalaking sakay kan motorsiklo sa laog kan sarong computer shop sa Tanza, Cavite.
Binisto an biktima na si alyas Joseph, residente kan Pabahay 2000 sa Brgy. Paradahan 2.
Segun sa report, biglang naglaog an suspetsado na si alyas Dodong asin binadil an biktima mantang nagkakawat sa laog kan shop.
Makalihis an pambabadil, tulos na nagdulag an suspek sakay kan MIO Sporty na motorsiklo pasiring sa dae maaraman na direksyon.
Nagluluwas sa imbestigasyon na haloy nang may iwal an duwa na may kinaaraman suboot sa iligal na droga.
Padagos an imbestigasyon kan mga otoridad, kabali na an pag-backtrack kan CCTV footage sa lugar ngani na maaraman an lokasyon kan suspetsado asin madakop ini sa lalong madaling panahon.
