LEGAZPI CITY-Nakaluwas na an bagyong Crising sa Philippine Area of Responsibility mantang nagpapadagos man giraray ini na magin Severe Tropical Storm category.
Sa pagluwas kaini sa nacion, padagos man giraray na maeekperyensyahan an paguuran asin makusog na paros sa mga lugar sa Northern Luzon huli sa mahiwas na sirkulasyon kan nasambitang bagyo.
Padagos man na makakaapektar an mga paguran na dara kan Southwest Monsoon o habagat sa dakulang parte sa nacion.
Huring nahiling an sentro kan bagyo sa 235 km West kan Itbayat, Batanes sa luwas kan Philippine Area of Responsibility.
Igwa man giraray na kusog nin paros an bagyo na nasa 100 kilometer per hour asin pagbugso na nagaabot sa 125 kilometer per hour.
Naghihiro ini pasiring sa westward na direksiyon na igwang rikas na nasa 15 kilometer per hour.
Nasa irarom man giraray sa Tropical Cyclone Wind Signal No. 2 an Batanes, western portion kan Babuyan Islands, asin Ilocos Norte.
Mantang Tropical Cyclone Wind Signal No. 2 sa natatdang parte kan Ilocos Norte, Ilocos Sur, northern portion kan La Union , Abra, Apayao, Kalinga, nalalabing bahagi ng Cagayan.
Asahan man ngonian na aldaw hasta saaga an magagabat na paguura sa parte kan Apayao, Abra, Ilocos Norte, asin Ilocos Sur huli sa bagyong crising.
Mauran na panahon man an laoman ngonian na aldaw sa Metro Manila, Pangasinan, Zambales, Bataan, Tarlac, Pampanga, Bulacan, Palawan, Romblon, Occidental Mindoro, asin Antique huli sa habagat na pinapakusog kan bagyo mantang paluwas na ini sa nacion.
Sa presente wara man nin panibagong update mapadapit sa panibagong raot kan panahon sa luwas asin laog kan Philippine Area of Responsibility.
