Pwedesir mahampang sa kasong syndicated o large-scale estafa an mga influencer na dae man giraray nagpupundo sa pag-endorso nin illegal online gambling.
Ini an patanid kan ng Cybercrime Investigation and Coordinating Center (CICC) makalihis an itinaong ultimatum kan ahensya sa mga influencer na ipundo an pag-endorso sa mga iligal na online gambling kan nakaaging semana.
Kan Hulyo 15, pinuonan kan ahensya an pagpapadara nin notice sa mga influencer na dae man giraray nagsusunod, nganing magpaliwanag kun nata dae dapat magsunad an gobyerno nin mga kaso laban sainda.
Segun sa opisyal, pwedesir magpakol sagkod sa kabangang milyon kada semana an nakukuang ganansya kan mga darakulang influencer sa saindang pageendorso sa illegal online gambling.
Mientrastanto, nakatalaan man i-tap kan ahensya an social media platfoms ngani i-take down an mga channel kan content creators na padagos na nag-eendorso nin illegal online gambling sites.
