Sarong kontrobersyal na istorya hale sa Tsina an presenteng nagkukua nin atensyon sa bilog na kinaban — an kaso na imbuelto an sarong 38-anyos na lalaki na nagmidbid bilang sarong babae asin nagin midbid sa online bilang “Red Sister.”
Susog sa mga bareta hale sa Nanjing, Probinsya nin Jiangsu, an suspek, si Jiao, inarestar huli sa soboot sa pakikipag-sex trade sa rinibong mga lalaki — kaiba an nagkapirang mga dayuhan — mantang nakasulot nin gubing na babae.
Pigtutubodan na naggamit siya nin mga dating app nganing makamidbid an mga biktima, asin patago man na pig-film an saindang mga engkwentro nganing ipabakal online.
An orog pang nakabigla sa publiko: kadaklan sa mga biktima inapod na “high-quality men” — mga guwapo, mga hoben na propesyonal, asin mga para-gym — asin susog sa mga bareta, an ibang mga lalaki nagbalik pa pagkatapos na maaraman an tunay na pagkatawo ni “Red Sister”.
Si Jiao soboot naggamit nin mga peluka, make-up, mga filter asin sarong voice-changer nganing magsagin-sagin na sarong may agom na babae.
Bilang karibay nin pakikipag-sex, mahagad sana siya nin simpleng mga bagay arog kan prutas, peanut oil, mga tisyu asin gatas.
Dawa ngani kinumpirmar kan mga awtoridad na bakong totoo an bilang kan mga biktima na labi nang sangribo, nagpapadagos pa an imbestigasyon.
An relasyon nin magkaparehong sekso legal sa Tsina, alagad an pagdistribwir nin sexual content online na estriktong ipinagbabawal.
Mientrastanto, an istorya nagin viral bako sana sa Tsina kundi sa bilog na kinaban.
Nagluwas man an mga meme, parody clip, asin dawa an mga ad na pig-edit kan AI na naggagamit kan imahe kan “Red Sister”.
An sarong TV star sa Hong Kong nag-karaw pa ngani asin nagsabi na “Ako talaga iyan.”
Alagad sa likod kan katatawanan, an nagkapirang eksperto nahahadit manongod sa isyu nin pagbalgar sa privacy, unprotected sex, asin an marikas na pagkomersio nin mga kaso kriminal.
Segun sa mga netizens, an sarong sensitibong krimen nagigin nang fashion and comedy trend.
Mantang padagos na naglalakop an mga video sa online, an nagkapira sa mga lalaki sa footage napiritan na magkumpisal sa saindang mga pamilya — kaiba an sarong lalaki na binayaan siya kan saiyang nobya pagkatapos na mamidbidan siya sa sarong nagluwas na clip.
