LEGAZPI CITY-Nominado an Pilipinas sa 24th edition kan Wanderlust Reader Travel Awards bilang “most desirable country” sa bilog na kinaban
Segun sa Department of Tourism, na afuera sa nasabing kategorya kairiba man an Cebu na nominado bilang Most Desirable Region sa bilog na kinaban asin an Palawan bilang Most Desirable Island.
Pwedisir man suboot manggana an nacion sa mga subcategories sa iraom kan Most Desirable Country siring kan Culture and Heritage, Nature and Wildlife, Adventure, Gastronomy asin Sustainability.
Ikinaogma man ni Tourism Secretary Christina Garcia Frasco an nasabing nominasyon huli sa makakatabang suboot ini sa pagsulong kan nacion bilang pangenonot na travel destination.
Pig-enganyar man an publiko na suportahan an nominasyon sa paagi kan pagboto sa website kan Wanderlust Reader Travel Awards.
