Kinumpirmar kan abogado ni dating Negros Oriental Rep. Arnolfo ‘Arnie’ Teves Jr. na si Atty. Ferdinand Topacio na pisikal ining mahampang saaga sa saiyang nakatalaan na arraignment sa korte.
Kun saen piglalaoman na personal na maatubang sa Manila Regional Trial Court Branch 15 an dating kongresista para sa saro pang arraignment katakod kan sarong kaso may kinaaraman sa ‘murder’ kan 2019.
Nakatalaan siyang mag-atubang sa korte alas 8:30 nin aga sa Manila RTC Br. 15 hale asin pasiring sa saiyang pagkakulong sa Bureau of Jail Management and Penology o BJMP Annex 2 sa Bicutan, Taguig City.
Ini huli ta inobliga siya kan korte na mag-atendir asin magpresentar sa nakatalaan na arraignment saaga, Martes, Hulyo 15.
Apwera pa ini sa iba pang kaso na saiyang kinakahampang may relasyon sa illegal possesion of firearms and explosives asin pagkaimbwelto sa paggadan sa dating gobernador kan Negros Oriental na si Roel Degamo.
