Kinumpirma ni Vice President Sara Duterte na peke ang kasalukuyang kumakalat na larawan na nagpapakita na nakaratay sa ospital at may dalawang banda sa kamay ng kanyang ama na si dating Pangulong Rodrigo Duterte.
Binigyang-diin ni VP Sara na mas malusog na ngayon ang kanyang ama sa kabila ng pagbaba ng timbang.
Ayon sa bise presidente, posibleng na-edit ang larawan o ibang pasyente dahil wala sa ospital kundi nasa detention unit ang kanyang ama.
Ang pagbaba ng timbang ng dating pangulo ay malamang dahil sa mga pagbabago sa diyeta at sa kanyang diyabetis habang kinokontrol niya ang kanyang diyeta at pinapanatili ang isang malusog na timbang.
