LEGAZPI CITY-Nanindugan si dating presidential spokesperson Atty. Harry Roque na biktima suboot siya kan panggigipit huli sa pulitika kairiba an nagkapirang kaalyado kan dating Duterte administration, kung kaya igwa suboot siyang direchos na maghagad nin asylum partikular sa pamahalaan kan Netherlands, kung sain siya nagtetenir asin nakikisaro sa mga overseas Filipinos.
Wara man suboot siyang piglalaoman kay President Ferdinand Marcos Jr. huli sa lapa kaini na pamumuno sa nacion kung kaya dapat suboot na itao ang gobyerno kay Vice President Sara Duterte.
Dagdag pa ni Atty. Roque na mauli siya sa Pilipinas sa tamang paanhon huli sa nagso-solo na sana an saiyang pigaapod na nacion.
Nagpapadagos man an pagpoproseso sa saiyang apela na asylum.
Tinawan doon man kan nasabing abogado na dakol na pagkakataon ngani mag-iba siya kan nasyonalidad alagad mauli man giraray ini sa Pilipinas.
Dagdag pa ni Atty. Roque na pinupulbos kan administrasyong Marcos Jr. an mga Duterte asin mga kaalyado kaini kaya igwang direchos na maghagad nin asylum.
Pangapudan man niya kay President Marcos Jr. asin sa mga kaalyado kaini na linigon an saindang pangaran asin baguhon an historya. 3 taon na suboot an nakalihis, dai pa ini nangyayari kung kaya mas marahay na itao ang gobyerno sa bise presidente.
