Laoman liwat an panibagong rollback sa presyo kan mga produktong petrolyo sa masunod na semana.
Ini kasunod kan duwang beses na pagpapaotob nin dakulang umento sa presyo nin krudo sa huring parte kan Hunyo.
Segun ki Energy Oil Industry Management Bureau Rino Abad, piglalaomang magkakaigwa nin rollback na labi P1 kada litro sa gasolina, mantang nasa P0.50 kada litro man an piglalaomang tapyas sa diesel.
Sa kerosene man, piglalaomang magkakaigwa nin bawas presyo na P0.80 kada litro.
Ini basado pa sana sa sa international petroleum trading sa nakaaging apat na aldaw asin pwedesir pang magbago basado sa trading.
Ipigtatakod man liwat an pagbaba nin presyo kan krudo sa padagos na pinaiiral na ceasefire sa pagultangan kan Israel asin Iran.
Piglalaomang iaanunsyar kan mga kompaniya nin krudo an opisyal na presyo sa aldaw nin Lunes asin magigin epektibo sa aldaw nin Martes, Hulyo 8.