LEGAZPI CITY—Padagos an pangapudan kan grupo nin kababaihan na Gabriela sa Commission on Elections (COMELEC) na dapat dagos nang idiskwalipikar an Duterte Youth Partylist asin dapat nang iproklama an mga nararapat na partylist na maribay sa kakulangan nin partylist sa Kongreso.
Magigiromdomang dae naiproklama an Duterte Youth Partylist asin nakanselar an saindang accreditation na nangangahulugang may bayolasyon an nasabing grupo.
Segun ki Gabriela Bicol Coordinator Jen Nagrampa, sa intrevista kan Bombo Radyo Legazpi, desido an saindang grupo sa pangapudan sa Comelec na iproklama an kakulangan sa mga matukaw sa pwesto huli ta yaon man ini sa ley kan nacion kun saen kaipuhan na mabugtakan an 20% na partylist representation sa Kongreso.
Huli digdi kinakaipuhan suboot igwang may magtukaw asin madangog an tunay na representasyon siring kan mga grupo nin mga kababaihan, kajovenesan, mga miyembro kan LGBT magin kan namamanwaan sa Kongreso.
Sa presente, naglalaom an saindang grupo na madesisyunan na kan Comelec sa paagi nin makaturungan asin patas na desisyon mapadapit sa mga karapat-dapat na makalaog na mga partylist asin dagos naman na madiskwalipikar an mga dae nagsusunod sa ley kan nacion.
