LEGAZPI CITY-Nagfile nin bill sa 20th Congress si 1st District Congresswoman Krisel Lagman kairiba na an mga bill kan saiyang namaaram na ama na si dating Congressman Edcel Lagman.
Segun kay Albay 1st District Congresswoman Krisel Luistro-Lagman, sa intrevista kan Bombo Radyo Legazpi, na excited siya sa saiyang magigin bagong pagiriba sa kongreso liwat man ta mas komportable na siya sa ciudad kanTabaco.
Mas dakulang pressure suboot ini para sa saiya huli sa dekalibre na si dating Congressman Lagman pagabot sa lehislatura. Pagaadalan niya man suboot ini huli ta nagmamando man siya nin direksiyon asin management sa ciudad nin Tabaco.
Dagdag pa kan opisyal na mas dakol na munisipalidad asin mas nakakatutok an kongreso sa policy making, na susuportaran niya siring kan mga kan child development center, asin sa sektor kan agrikultura.
Sinabi pa niya na nagkakaigwa man suboot sinda nin kooperasyon ni De Lima manungod sa mga co-authored na mga measure makalihis na mag-file na siya nin pending bills asin measures sa lower house para sa suporta sa edukasyon, salud, asin social services.
Mientranstanto, suportado man ni Congresswoman Krisel Lagman an Liberal party ML Partylist Representative na Leila De Lima mapadapit sa impeachment process laban kay Vice President Sara Duterte bilang saro sa mga house prosecutor panel members.
