Epektibo kasubagong 12:01 nin udto, Hunyo 30, opisyal nang nagtukaw an mga na-elehir sa 2025 midterm elections.
Poon ini kan 3 taon na paninirbihan afuera sa 12 senador na matukaw nin 6 na taon o sagkod 2028.
Basado sa data kan University of the Philippines-National College of Public Administration and Governance (UP-NCPAG), kadaklan sa mga na-elihir sa lokal na gobierno an dati nang nakatukaw sa puwesto o nag-iba sana nin posisyon sa kaparehong ciudad o probinsya.
Alagad sa pananaw ni Prof. Solita “Winnie” Monsod, an kaibahan sana sa katatapos na eleksyon an nagpahiling kan kusog an mga ka-jovenesan sa pagboto, urog na sa senatorial race.
May kabilugang 18, 225 na mga opisyal an mapoon kan saindang mandato ngonian na aldaw, hale sa mga senador, kongresista, gobernador, bise gobernador, asin iba pa.
Sa nasabing numero, 12 bagong senador an na-elehir hale sa kabilugang 24 na puwesto sa Senado.
Nasa 317 man an mga bagong miyembro kan House of Representatives, na kompwesto kan:
254 district representatives
63 party-list representatives
