LEGAZPI CITY-Pighale asin pigsulo kan Philippine drug enforcement Agency (PDEA) an kabukidan kan tanomnin marijuana sa Kalinga Province.
Kairiba an Philippine National Police Drug Enforcement Group (PNP DEG) Special Operations Unit CAR, 2nd Kalinga Provincial Mobile Force Company, Tinglayan Municipal Police Station, asin an Regional Mobile Force Battalion 2 ngani na maisagibo an operasyon sa haros 2,300 na tanoman sa Barangay Loccong.
An mga tanom nin marijuana pigeestimar na nasa 34,500 na pidaso asin nasa pigkakarkulong P6.9 milyon.
Segun sa PDEA, wara man nin nairehistrong naarestar sa operasyon alagad pigaaram na man kung sisay an pwedisir na nagmamando sa mga tanom nin marijuana.
Mientrastanto, pigtawan doon man kan PDEA na an pagigin matrayumpo suboot kan saindang Anti-drug operations, dai lang nakabase sa sa dedikasyon kan mga law enforcement agencies alagad nakabase man sa kung gurano ka-aktibo an pakikisaro kan mga komunidad sa saindang mga operasyon.
