LEGAZPI CITY-Nagkapira pang mga residente an nagbabalgar sa pagbabawal na magtambak nin mga nin basura sa Materials Recovery Facillity (MRF) sa Barangay Gogon sa ciudad kan Legazpi.
Segun kay Kagawad Richilda “Chie” Atun kan Barangay Gogon, sa intrevista kan Bombo Radyo Legazpi, mahigot na ipinagbabawal an pagtapok asin an pagtambak sa nasambitang lugar huli sa nakakaapektar ini sa mga hararani na residente.
Nagpaotob naman suboot an mga opisyales kan nasambitang barangay nin abiso asin maglalaag nin CCTV sa mismong area nganii ma-monitor asin ma-identify ninda an mga pasaway na nagtatapok nin basura sa MRF.
Haloy na suboot na ipinagbabawal an pagtapok nin mga bako segregated na basura alagad an nagkapira, daing kontrol asin dai pa nanggad nagsusunod.
Pigtatawanan man suboot nin mga warning an mga nagkapira na nahihiling mantang magtapok nin basura sa lugar.
Nangangapudan man si Atun sa mga residente na i-segregate an saindang mg abasura asin dai ipagtambak sa lugar, asin kokolektahon man sana ini sa sainda, ngani na magin malinig asin maayos an saindang barangay asin an MRF.
