Kumpirmadong gadan an limang indibidwal asin pitong iba an kritikal makalihis tumagilid an sarong mini dump truck na pagsasadiri kan Silay City Government sa Sitio San Juan, Barangay Guimbalaon, Silay City.
Sa inisyal na imbestigasyon kan Silay City Police Station, limang nagadan sa aksidente, pitong indibidwal an nasa kritikal na kondisyon, asin 13 iba pa an nagsapo nin minor injuries.
Sakay kan behikulo an 24 Job Order casual employees kan gobierno lokal, na katatapos pa sana makisumaro kan tree planting activity sa Sitio Patag.
Sa intrevista kan Bombo Radyo Bacolod, inihayag ni Lina Andrade, sarong Job Order casual asin agom kan saro sa mga nairido, na dae nag-andar an trak sa pasakat tinampo.
Sinabi niya na tulos na nagpundo an behikulo, na nag-udyok sa pirang mga pasahero na maglukso alagad digdi na ini tuminagilid.
Sinabi ni Lina na nagpapasalamat siya na nagsapo sana nin minor injuries an saiyang agom.
Idinagdag niya na dae na dapat suboot siya nagsakay sa trak, huli ta nagpahiling na ini nin mga mechanical issues bago pa mangyari an insidente.
