Nagadan an sarong 3 days old na omboy makalihis maipit sa kadena asin rida kan pigsasakayang motorsiklo mantang pauli hale sa ospital pasiring sa Del Gallego, Camarines Sur.
Basado sa report, sakay kan motorsiklo an ina kan omboy na may karga sa aki na nakapatos sa tamong, mantang pigmamaneho ini kan saiyang live-in partner.
Sa katahawan kan biyahe, dae napansin kan duwa na naglaylay an tamong asin suminabit sa kadena kan motor, rason nganing maguyod an omboy asin maipit sa rida kan behikulo.
Tulos na naghagad nin tabang an mag-agom alagad idineklara nang dead on arrival an omboy pag-abot sa ospital.
