LEGAZPI CITY-Ipinagbabawal na magtienda an mga sidewalk vendor sa jogging area asin bicycle lane sa ciudad kan Legazpi huli sa suboot pagkawsa nin obstruction sa lugar.
Segun sa Head kan Task Force Kalinigan at Kaayusan na si Andy Marbella, sa intrevista kan Bombo Radyo legazpi, igwang reklamo na nakaabot sa saindang opisina, na naaagrangay an tawo na wara na nin espasyo sa lugar.
Sinabi man ni Marbella an nasambitang lugar, pigdisensyo para magin lakawan kan mga tawo, bako para sa mga naghahanap-buhay.
Dagdag pa niya, nagkapira sa mga nagtienda sa lugar bako man mga taga-legazpi asin mawot mag negosyo huli sa matawo sa mismong lugar.
Nasa 10 suboot na mga paratienda an naabutan asin pinahale sa lugar alagad pigtawanan man suboot an mga ini nin extension na dapat dae na sinda magtienda sa masunod na aldaw.
Ipigbabawal man an pagtugdok nin mga ukay-ukay sa lugar asin an paglalaag nin mga lamesa asin tukawan.
Pigtatawan man suboot nin konsiderayon an mga paratienda ngani magkaigwa nin espasyo sa ibang parte kan ciudad.
Napagsabihan man kan lokal na sanggnian kan lugar huli sa pag-dispose kan mga basura asin regular na paglinig kan mga street sweeper.
Abiso man kan opisyal sa mga naghahanap buhay sa mismong lugar, na dai man sinda pigbabawalan na magtienda, alagad dapat nasa oras asin dapat magsunod ngani makapag-hanap buhay.
