Legazpi City- Nag-organisa nin Media and Partner Stakeholders Fellowship an Naval Forces Southern Luzon obhetong mapakusog an relasyon asin maisagibo kan ahensya an mandato para sa kumunidad.
Segun sa intrevista kan Bombo Radyo Legazpi kay Lt. John Emmanuel Sison an tagapagtaram kan Naval Forces Southern Luzon, kasabay pa sa obhetong kan aktibidad na tawanan nin pagbisto an mga katabang kan ahensya sa pagsasagibo kan saindang mandato arog kan Civil Military operation, Community relation activities, public awareness asin public information.
Naglalaom man an opsisyal na sa paagi kan aktibidad na mapararom pa an koneksyon kan Naval Forces sa mga stakeholders asin sa mga katugangan sa Media para marikas na pagpapaabot nin impormasyon asin tabang sa komunidad.
Base man sa obserbasyon kan opisyal, naobserbaran man kaini an aktibong pakikisumaro kan mga stakeholders para sa pag reyalisar kan ahensya sa misyon na matugunan an pangangaipo kan mga namamanwaan sa palibot kan visinidad kan NAVFORSOL.
Mientras tanto pinasalamatan man kan opisyal an mga katabang kaini sa saindang mga aktibidad asin inasigurar an publiko para sa agaran na pagtataong tabang sa ano man na sitwasyon asin remalaso sa kumunidad.
