Pigsugo kan Office of the Ombudsman si Vice President Sara Duterte asin siyam na opisyal gikan sa DepEd asin Office of the Vice President (OVP) na magsumiter nin simbag sa reklamong katakod kan suboot salang paggamit nin confidential funds.
May 10 aldaw an mga respondent gikan sa pagresibi nin kasuguan nganing magsumiter nin counter-affidavit, pati na man kan mga salaysay kan saksi asin iba pang dokumentong sumusuporta.
Patanid kan Ombudsman, an dae pagsumiter sa ipigtalaang panahon an ikokonsiderar na pagwawaksi kan karapatang magtao nin ebidensiya, asi dagos an preliminary investigation.
Dae man tatanggapon an ano man na motion to dismiss o motion for bill of particulars.
Kaiba sa mga reklamong isinunad kan Kamara laban ki Duterte asin iba pa an plunder, technical malversation, falsification, bribery, perjury, asin pagbalgar sa Konstitusyon.
An kaso an may kinaaraman sa suboot salang paggamit kan P500M confidential funds kan OVP asin P112.5M kan DepEd poon 2022–2024.
Kaiba man sa mga iniimbestigahan gikan sa DepEd sinda Edward Fajardo, Gina Acosta, Atty. Sunshine Charry Fajardo, Maj. Gen. Nolasco Mempin (ret.), asin Undersecretary Annalyn Sevilla.
Mantang sa OVP, kaiba sinda Atty. Zuleika Lopez, Lemuel Ortonio, Lt. Col. Dennis Nolasco, asin Col. Raymund Dante Lachica.
Ipignigar ni Duterte an mga akusasyon, na kaiba man sa impeachment case na isinumiter sa Senado.
 to submit a response to a complaint related to the alleged misuse of confidential funds.){kind=link}