Nagpaotob na nin deployment ban ang c (DMW) sa new hires na Pilipino sa Iran asin Jordan.
Ini an sa tahaw man giraray kan nagpapadagos na tensiyon sa Middle East.
Kinumpirmar ni Migrant Workers Sec. Hans Leo Cacdac an pagbabawal sa bagong hire na mga Pilipino na magpasiring sa nasabing mga nacion mantang an returning overseas Filipino workers an pigtutugutan alagad dae pa sinda pwedesir magbiyahe sa ngunyan huli ta sarado an airspace duman.
Nag-isyu man an Department of Migrant workers nin Advisory No. 19 series of 2025 para sa restriksiyon sa deployment kan OFWs sa Israel, Iran, Jordan asin Lebanon.
Inabisuhan man kan kalihim an mga OFW na pasiring Jordan na ipaoctaba muna an saindang biyahe pasiring sa nacion huli ta igwa ining common border sa Israel.
Siring man an mga recruitment agencies an inabisuhan na dae muna magpadara nin new hires sa Jordan.
Sa Israel man, presenteng may nag-iiral na deployment ban gikan kan nagbungkaras an October 7 attack kan Hamas sa Israel kan 2023.
Mientrastanto, nagpatanid man an kalihim na papanimbagon an mga recruitment agencies na dae masunod sa deployment ban.
