Gadan an sarong 16-anyos na estudyante mantang irido an saiyang kaangkas makalihis magbangga an saindang pigmamanehong motorsiklo sa isarong kasabatan na minivan sa Sitio Mupak, Barangay Poblacion, Datu Paglas, Maguindanao del Sur.
Binisto ni Datu Paglas Police Chief Lt. Col. Glen Mar Avisa an nagadan na rider na si Mohannadi Guiambao Mampo, residente kan Barangay Damakling, Paglat.
Kaibang irido sa insidente an saiyang kaangkas na si alyas Guiamad, 13-anyos, na taga Datu Paglas.
Basado sa paenot na imbestigasyon kan pulisya, sakay suboot kan Kawasaki Bajaj na motorsiklo an duwang menor de edad kan mawaran nin kontrol si Mampo sa manibela, rason nganing direktang suminalpok sa kasabatan na puting minivan.
Kapot na ngonian kan Datu Paglas PNP an driver kan minivan mantang nagpapadagos an mas hirarom na imbestigasyon sa insidente.
