Pormal nang nagsumiter kan entry of appearance an mga abogado ni Vice President Sara Duterte para sa saiyang impeachment trial, segun sa kumpirmasyon kan tagagpagtaram kan Senado.
Segun ki Atty. Reginald Tongo, tagagpagtaram kan Impeachment Court, naresibi kan Senado an dokumento gikan sa Fortun Narvasa & Salazar law firm kan Lunes, Hunyo 16.
Dugang pa kaini na an Office of the Secretary of the Senate an nagresibi kaini bilang clerk kan impeachment court.
Kaiba sa mga abogado ni Duterte sinda—Philip Sigfrid Fortun, Gregorio Narvasa II, Sheila Sison, Carlo Joaquin Narvasa, Roberto Batungbacal, Justin Nicol Gular, Lindon Miguel Bacquel, David Ronell Golla VII, Maria Selena Golda Fortun, Clarlaine Radoc, Francesca Marie Flores, Miguel Carlos Fernandez, Michael Wesley Poa, Reynold Munsayac, Mark Vinluan, asin Ralph Bodota.
Sa ngunyan wara pang pahayag gikan ki VP Sara Duterte katakod sa bagong yugto kan proseso kan impeachment.
