Nasa 204 na lawas an narekober makalihis an pagbagsak kan pampasaherong eroplano sa Ahmedabad, western India.
Segun sa mga otoridad kan India na sarong pasahero an nakaligtas sa kabilogang 242 katawo na nakalunad sa Air India na pasiring sa London.
Igwang kabilogang 169 na Indian nationals, 53 Britons, pitong Portuguese nationals asin sarong Canadian an lunad kan nasabing eroplano na sarong Boeing 787-8 Dreamliner.
Pasiring na sa India an mga US Investigators nganing magtabang sa imbestigasyon.
Mantang sienerto man kan Airline companies na dae ninda papabayaan an mga biktima.
Magigiromdomang pasiring sa London an eroplano kan ini nagbagsak pirang minuto makalihis an take-off nagtama ini sa sarong edipisyo kun saen nakaistar an mga doctors sa Ahmedabad, India.
