Nairehistro kan Quezon City an 40% kan mga panibagong kaso nin Human Immunodeficiency Virus (HIV) na segun sa City Health Department gabos hale sa mga estudyante na may edad 15 hasta 24 anyos.
Huli kaini, nag-abot na sa 421 na kaso an nairehistro sa ciudad puon Enero hasta Mayo ngonian na taon.
Mas halangkaw ini nin kadikit nin 2.43% kumpara sa 411 na kaso na nairehistro sa kaparehong peryodo kan nakaaging taon.
Mientrastanto, an ciudad padagos na nagtatao nin libreng HIV testing, counseling, asin treatment sa saindang mga public health facilities.
An Department of Health (DOH) dati nang nagbareta na igwa nin 5,101 na bagong kaso nin HIV asin 145 na nagadan huli sa HIV/AIDS kan enot na kwarter kan 2025, haros 50% na mas halangkaw kumpara sa parehong panahon kan nakaaging taon o katampad kan 57 na nadagdag kada aldaw.
An DOH nagpatanid na an Pilipinas ngonyan igwa nin pinakamarikas na nagdadakol na kaso nin HIV sa Western Pacific, na an mga kaso sa mga 15-25-anyos naglangkaw nin 500% sa nakaaging dekada.
Kabali sa bagong kaso an sarong 12 anyos na taga Palawan.
Huli kaini, ipigsuhestyon ni Health Secretary Teodoro Herbosa na ideklara an HIV bilang national public health emergency nganing mapakusog an kooperasyon kan gabos na sektor kan gobyerno.
 which according to the City Health Department are all from students aged 15 to 24 years old.){kind=link}