Gadan an duwang staff kan Israel embassy kan US makalihis na sinda pagbabadilon.
An mga biktimang binistong sinda Sarah Lynn Milgrim asin Yaron Lischinsky an papaluwas sa sarong event sa Capital Jewish Museum sa Washington DC kan sinda pinagbabadil.
Naarestar man an suspek na si Elias Rodriguez, 30-anyos gikan sa Chicago makalihis an insidente.
Padagos na pig-aaram kan mga otoridad kun an insidente an may kinaaraman sa terorismo.
Ikinamundo man ni US President Donald Trump an pangyayari kun saen inihayag kaini na an insidente an basado sa antisemitism.
Huli sa insidente ipigsugo ni Israeli Prime Minister Benjamin Netanyahu an pagdugang nin seguridad sa gabos nin mga embahada asin konsulada kan Israel.
